2025-ci ilin fevral ayının 20-21 də Naxçıvan Muxtar Respublikası Maliyyə Nazirliyinin təşkilatçılığı ilə Naxçıvan Biznes Mərkəzində “Büdcə Məlumat İdarəetmə Sistemi”nin tətbiqinə dair təlimlər keçirildi. Təlim muxtar respublikada fəaliyyət göstərən büdcə təşkilatlarının maliyyə və mühasibatlıq işçilərinin sistemi öyrənməsi məqsədilə təşkil olunub.

B25-09 - 26.09.2024-cü il tarixlərində Naxçıvan Muxtar Respublikasının Maliyyə Nazirliyində Naxçıvan Muxtar Respublikasının büdcəsinin tərtibində istifadə ediləcək avtomatlaşdırılmış Büdcə Məlumat İdarəetmə Sistemi proqram təminatının ( BMİS PT) ilkin təqdimatı üçün Naxçıvan Muxtar Respublikasının Maliyyə Nazirliyinin mərkəzi aparatı və yerli maliyyə orqanlarının əməkdaşları ilə görüş keçirilmişdir.

Bakı Mühədislik Universitetində “FARABİ” layihəsi çərçivəsində tətbiq edilmiş “SİNAM Müəssisə Resurslarının İdarə Edilməsi Sistemi - SERP” proqram təminatı 05.11.2018-ci il tarixindən tədris olunmağa başlanılmışdır.

Tədbiri keçirməkdə məqsəd Azərbaycanda Mühasibat uçotunun inkişafı, Mühasibat uçotu və Vergi qanunvericiliyi sahəsində baş verən dəyişikliklər ətrafında müzakirələrin təşkili, bu sferada islahatların dərinləşməsinə yönəlmiş təkliflərin toplanması və beynəlxalq təcrübə üzrə məlumatlılığın artırılmasıdır.

Forumda SİNAM MMC şirkətinin direktoru Əbülfət Rəhmanov "Büdcə təşkilatlarında ERP sistemlərinin tətbiqinin üstünlükləri" mövzusu ilə moderator kimi iştirak etmişdir.

Azərbaycan Respublikası Vergilər Nazirliyinin, Azərbaycan Respublikası Auditorlar Palatasının, Azərbaycanın Sahibkarlar Konfederasiyasının və İqtisadi Resursların Öyrənilməsi İctimai Birliyinin təşkilatçılığı ilə keçirilən II Milli Mühasiblər Forumu keçirilmişdir. Forum çərçivəsində keçirilən “Milli mühasibat proqramı” yarışında SİNAM şirkətinin hazırladığı SERP proqram təminatı I yer nominasiyasına layiq görülmüşdür.

Forumun son bölümündə “Mühasibatlıqda İKT: Milli və beynəlxalq proqramların qarşılıqlı əlaqəsi” mövzusu müzakirə edilib. “Müəssisə resurslarının idarə edilməsində və milli mühasibatlıq sisteminin qurulmasında innovativ yanaşma” və “Azərbaycanda mühasibatlığın təşkilində İKT-nin rolu və qarşıda duran problemlər” forum iştirakçılarının diqqətinə çatdırılıb. Maliyyə uçotunda informasiya həllərinin və bulud texnologiyalarının tətbiqinə toxunulub. SINAM şirkətinin yaratdığı SERP sistemi üzərində iştirakçılara bu texnologiyanın üstünlükləri çatdırılıb. Bugünkü gün SERP sistemi 100-dən artıq dövlət təşkilatında və ali təhsil müəssisəsində, həmçinin iri miqyaslı təşkilatlarda, o cümlədən banklarda, neft şirkətlərində və digər təşkilatlarda uğurla tətbiq olunur.